Գյումրիում 6 հոգու սպանության մեջ կասկածվող, ՌԴ 102-րդ ռազմաբազայի զինծառայող Վալերի Պերմյակովը հայտնաբերվել է հայ-թուրքական սահմանը հատելու ու Թուրքիա անցնելու փորձի ժամանակ։ Զորամասից փախած զինծառայողին բռնել են Բայանդուր գյուղի ուղղությամբ ծառայություն իրականացնող սահմանապահները։ 

Այս մասին տեղեկությունը  հաստատել է ՀՀ ոստիկանության մամուլի եւ հասարակայնության հետ կապերի վարչության պետ Աշոտ Ահարոնյանը՝ ավելացնեվ, որ զինծառայողին բռնելու գործողությունը հաջողվել է սահմանապահների հետ համատեղ ձեռնարկված միջոցառումների արդյունքում։

Հունվարի 12-ին, Գյումրիում սպանվել է 6 հոգանոց ընտանիք, ինչի համար, ըստ հայկական լրատվամիջոցների հրապարակումների, կասկածվում է Գյումրիում տեղակայված ռուսաստանյան ռազմաբազայից փախած զինծառայող:Սպանությունը կատարել է Գյումրիում տեղակայված ՌԴ 102-րդ ռազմաբազայի զինծառայող, որը մինչ այդ փախել է զորամասից:Փախած զինծառայողը բազայում ծառայության էր անցել 2014թ դեկտեմբերին:

Ըստ Քննչական կոմիտեի՝ սպանության համար հիմնական կասկածյալը ռուս զինվորական Պերմյակով Վալերի Պավլովիչն է։ Դեպքի վայրում հայտնաբերվել են զինվորականի կոշիկները, ԱԿ-74 ինքնձիգը, 5,45մմ տրամաչափի պարկուճներ եւ մեկ պահունակ` փամփուշտներով։