ԱՐՑԱԽ-ԻՄ ՏՈՒՆ

17.11.23թ.-ից ընդունվում են ԼՂ-ից բռնի տեղահանված անձանց՝ նոյեմբեր և դեկտեմբեր ամիսների համար տրամադրվող 50 հազ. դրամ աջակցության դիմումները

Admin0463 — Sat, 18 Nov 2023 08:56:49 GMT

17.11.23թ.-ից ընդունվում են ԼՂ-ից բռնի տեղահանված անձանց՝ նոյեմբեր և դեկտեմբեր ամիսների համար տրամադրվող 50 հազ. դրամ աջակցության դիմումները:

Այս նպատակով անհրաժեշտ է հետևել նշված քայլերին՝

ՔԱՅԼ 1․ Անհրաժեշտ է մուտք գործել նշված հղումով՝ https://50.socservice.am

ՔԱՅԼ 2․ «Անձնական տվյալներ» բաժնում նախ անհրաժեշտ է լրացնել հանրային ծառայությունների համարանիշը (սոցքարտի համարը), դրա բացակայութան դեպքում՝ անձնագրի, նույնականացման քարտի տվյալները։ Ապա պետք է նշել շահառուի անունը, ազգանունը և սեղմել կանաչով նշված կոճակը՝ անձնական տվյալների նույնականացման համար։ Եթե տվյալ անձը բավարարում է ծրագրի պարտադիր պայմաններին, ապա համակարգն ինքնաշխատ եղանակով կնույնականացնի դիմումատուի տվյալները։

ՔԱՅԼ 3․ Այնուհետև անհրաժեշտ է մուտքագրել հեռախոսի համարը, և էլեկտրոնային փոստի հասցեն․ «Անձը հաստատող փաստաթղթի տվյալներ» դաշտում փաստաթղթի տեսակը ու համարը կարտացոլվի ինքնաշխատ եղանակով։

ՔԱՅԼ 4․ «Փաստացի բնակության հասցե» հատվածում անհրաժեշտ է նշել մարզը, համայնքը, բնակավայրը, փողոցը, կառույցի տեսակը (առանձնատուն, բնակարան, այլ) կառույցի համարը․ ըստ անհրաժեշտության՝ բնակարանի համարը և փոստային դասիչը։

ՔԱՅԼ 5․ «Բանկի ընտրություն» հատվածում անհրաժեշտ է նշել՝ ունեք արդյոք քարտային հաշիվ, թե ոչ։ «Այո» արժեքի դեպքում անհրաժեշտ է ընտրել Ձեզ սպասարկող բանկը և լրացնել քարտի վրա գրված 16 նիշը։ 75 տարին լրացած, ինչպես նաև առաջին կամ երկրորդ խմբի հաշմանդամություն ունեցող անձինք, ովքեր առայժմ չունեն քարտային հաշիվ, կարող են լրացնել դիմումը՝ նշելով նախընտրելի բանկը, որտեղ կցանկանան ունենալ հաշիվ։

ՔԱՅԼ 6․ Անհրաժեշտ է նշել՝ ունեք արդյոք անչափահաս երեխաներ, թե ոչ։

ՔԱՅԼ 7։ Հաջորդ էջում անհրաժեշտ է լրացնել անչափահասի տվյալները։ Այնուհետև անհրաժեշտ է նշել ազգակցական կապը Ձեր նկատմամբ։ Ըստ անհրաժեշտության՝ համակարգը կառաջարկի «կցել փաստաթուղթ» կոճակը, որտեղ պետք է կցել երեխայի ծննդյան վկայականը, խնամակալության կամ հոգաբարձության դեպքում՝ այդ մասին հավաստող փաստաթուղթը։ Եթե դիմումատուն չի հանդիսանում երեխայի ծնողը, խնամակալը կամ հոգաբարձուն, ապա դիմումը չի հաստատվի։

ՔԱՅԼ 8։ Անհրաժեշտ է սեղմել «Համաձայն եմ» կոճակը, եթե ցանկանում եք տալ համաձայնություն Ձեր բանկային հաշիվներում առկա դրամական միջոցների չափը 2023 թ․ հոկտեմբերի 2-ի դրությամբ՝ 2 մլն դրամը չգերազանցելու վերաբերյալ տեղեկատվություն ստանալու համար։

ՔԱՅԼ 9։ Դիմումին ընթացք տալու համար պարտադիր է ընտրել «Համաձայն եմ» կամ «Համաձայն չեմ» տարբերակներից որևէ մեկը հետևյալ հարցի համար՝ «Համաձայն եմ ներկայացված տվյալները տրամադրել ԱՍՀՆ հետ համագործակցող երրորդ կողմին՝ ԼՂ-ից բռնի տեղահանված անձանց սոցիալական աջակցություն ստանալու նպատակով»։

ՔԱՅԼ 10․ «ՀԱՍՏԱՏՈՒՄ» կոճակ

Դիմումը հաջողությամբ մուտքագրելուց հետո կնշվի, որ դիմումը հաջողությամբ ընդունվել է և էկրանին կերևա դիմումի համարը։

ԿԱՐԵՎՈՐ ԴԻՏԱՐԿՈՒՄՆԵՐ

*-ով նշված դաշտերում տվյալների մուտքագրումը պարտադիր է,

նույնականացման տվյալներն անհրաժեշտ է լրացնել անձը հաստատող փաստաթղթի տվյալներին համապատասխան,

աջակցությանը դիմելու համար պարտադիր է ունենալ քարտային հաշիվ (հակառակ դեպքում ՝ Ձեր դիմումը կմերժվի),

75 տարին լրացած, ինչպես նաև առաջին կամ երկրորդ խմբի հաշմանդամություն ունեցող անձինք, ովքեր չունեն քարտային հաշիվ, կարող են լրացնել դիմումը՝ ցանկից ընտրելով նախընտրելի բանկը, որտեղ կցանկանան ունենան հաշիվ,

յուրաքանչյուր չափահաս անձ պետք է լրացնի առանձին դիմում, իսկ անչափահասի դեպքում դիմումը պետք է լրացվի ծնողներից մեկի (կամ խնամակալի կամ հոգաբարձուի) կողմից։

Նյութը՝ ՀՀ աշխատանքի և սոցիալական հարցերի նախարարության ֆեյսբուքյան էջ

50 հազար դրամ սոցիալական աջակցության երկամսյա ծրագիր՝ Լեռնային Ղարաբաղից բռնի տեղահանված անձանց համար

Admin0463 — Thu, 09 Nov 2023 11:54:31 GMT

Լեռնային Ղարաբաղից բռնի տեղահանված անձանց առաջնային սպառողական ծախսերը հոգալու նպատակով կիրականացվի սոցիալական աջակցության միջոցառում՝ նոյեմբեր և դեկտեմբեր ամիսների համար՝ ամսական 50 հազարական դրամի չափով։

Ծրագրից կկարողանան օգտվել 100 հազար դրամ միանվագ սոցիալական աջակցության միջոցառման շահառու հանդիսացող անձինք՝ որոշ բացառություններով։

Միջոցառման շահառու չեն հանդիսանա հյուրանոցներում կամ հյուրատներում ժամանակավոր բնակվող, ՀՀ ում չգտնվող և բանկային հաշիվներում 2 մլն դրամական շեմից ավելի դրամական միջոց ունեցող անձինք (սահմանափակումը վերաբերում է անձին և ոչ ընտանիքի անդամներին)։

Բացառություն կկազմեն զինծառայողների ապահովագրության ազգային հիմնադրամից հատուցում ստացող անձինք, որոնց վրա բանկային հաշիվներում 2 մլն դրամ ունենալու դեպքում սահմանափակումը չի տարածվի։

• Ծրագրի համար դիմումը լրացնելիս անձը կտա իր բանկային հաշիվների հանրագումարային մնացորդը ստուգելու համաձայնություն, որի արդյունքում՝ Կենտրոնական բանկը կպարզի մնացորդը և սահմանված շեմը չգերազանցող անձանց մասով կկատարվեն վճարումները։

Դրամական աջակցությունն ստանալու համար անհրաժեշտ կլինի ներկայացնել մեկանգամյա էլեկտրոնային դիմում․ ընթացակարգը կներկայացվի առաջիկա օրերին:

Վճարումներն իրականացվելու են բանկերի միջոցով՝ անկանխիկ եղանակով՝ աջակցության գումարը քարտային հաշվին փոխանցելու միջոցով։

Նյութը՝ ՀՀ աշխատանքի և սոցիալական հարցերի նախարարության ֆեյսբուքյան էջից

Ուղեցույց՝ 40+10 հազար դրամ սոցիալական աջակցության ծրագրի վերաբերյալ

Admin0463 — Wed, 08 Nov 2023 19:02:46 GMT

ԼՂ-ից բռնի տեղահանված անձանց համար կացարանում բնակվելու և կոմունալ ծառայությունների ծախսերի համար նախատեսված 40+10 հազար աջակցության ծրագրի շրջանակում նոյեմբեր և հաջորդող ամիսների համար անհրաժեշտ է մուտագրել դիմում www.socservice.am կայքում՝ «Առցանց դիմումներ» ենթաբաժնի՝ «Լեռնային Ղարաբաղից բռնի տեղահանվածներին ժամանակավոր կացարանում բնակվելու և կոմունալ ծառայությունների ծախսերի կատարմանն օժանդակելու համար սոցիալական աջակցության միջոցառում» կոճակով։

Դիմումի մուտքագրման քայլերի հաջորդականությունը՝ ստորև․

ՔԱՅԼ 1․ Անհրաժեշտ է մուտք գործել նշված հղումով՝ https://rent.socservice.am

ՔԱՅԼ 2․ «Անձնական տվյալներ» բաժնում նախ անհրաժեշտ է լրացնել անձը հաստատող փաստաթղթի համարը, օրինակ՝ հանրային ծառայությունների համարանիշը։ Ապա պետք է նշել շահառուի անունը, ազգանունը և սեղմել կանաչով նշված կոճակը՝ անձնական տվյալների նույնականացման համար։ Եթե տվյալ անձը բավարարում է ծրագրի պարտադիր պայմաններին, ապա համակարգն ինքնաշխատ եղանակով կնույնականացնի դիմումատուի տվյալները։

ՔԱՅԼ 5․ «Կոմունալ ծառայություն» հատվածում անհրաժեշտ է գրել Հայաստանի էլեկտրական ցանցերի բաժանորդային համարը (բաղկացած 7 նիշից)։ Ապա պետք է նշել՝ կա արդյոք նույն հասցեում բնակվող այլ անձ, թե՞ ոչ։ «Այո» արժեքի դեպքում անհրաժեշտ է սեղմել «Հաջորդ» կոճակը։ «Ոչ» արժեքի դեպքում՝ անհրաժեշտ է անցնել Քայլ 7-ին։

ՔԱՅԼ 6․ Հաջորդ էջում անհրաժեշտ է լրացնել «Ընտանիքի անդամների տվյալները»՝ նույն սկզբունքով։ Այնուհետև անհրաժեշտ է նշել ազգակցական կապը Ձեր (դիմողի) նկատմամբ (այսինքն՝ նշված գործողության վերևում ներկայացված անձը դիմողի զավակն է, ծնողը, թե այլ անձ)։

Ըստ անհրաժեշտության՝ համակարգը կառաջարկի «կցել փաստաթուղթ» կոճակը, որտեղ պետք է կցել երեխայի ծննդյան վկայականը, խնամակալության կամ հոգաբարձության դեպքում՝ այդ մասին հավաստող փաստաթուղթը։ Եթե դիմումատուն չի հանդիսանում երեխայի ծնողը, խնամակալը կամ հոգաբարձուն, ապա դիմումը չի հաստատվի։

ՔԱՅԼ 7․ Դիմումին ընթացք տալու համար պարտադիր է ընտրել «համաձայն եմ» կամ «համաձայն չեմ» տարբերակներից որևէ մեկը հետևյալ հարցի համար՝ «Ես և իմ ընտանիքի անդամները համաձայն ենք ներկայացված տվյալները տրամադրել ԱՍՀՆ հետ համագործակցող երրորդ կողմին՝ ԼՂ-ից բռնի տեղահանված անձանց սոցիալական աջակցություն ստանալու նպատակով»։

ՔԱՅԼ 8․ «ՀԱՍՏԱՏՈՒՄ» կոճակ

ՈՒՇԱԴՐՈՒԹՅՈՒՆ

անչափահաս երեխայի համար դիմումը պետք է լրացնի ծնողը (խնամակալը կամ հոգաբարձուն)

*-ով նշված դաշտերում տվյալների մուտքագրումը պարտադիր է

Նույնականացման տվյալներն անհրաժեշտ է լրացնել անձը հաստատող փաստաթղթի տվյալներին համապատասխան։

Նյութը՝ ՀՀ կառավարության ֆեյսբուքյան էջից

Нагорный Карабах сообщил об уничтожении 14 танков Азербайджана

HEIGMM — Sun, 03 Apr 2016 11:54:50 GMT

В ходе развязанных Азербайджаном широкомасштабных военных действий в зоне карабахского конфликта за период с 1 в ночь на 2 апреля армянская сторона в целом вывела из строя 14 танков Азербайджана.

Об этом сообщил пресс- секретарь МО Арцаха Сенор Асратян.

За это время армянская сторона потеряла 1 танк. В ближайшее время поступит подробное сообщение МО о событиях в зоне соприкосновения.

Утром 3 апреля подразделения АО вывели из строя 2 вражеских танка и 1 БМП.

На всем протяжении линии соприкосновения между Азербайджаном и НКР, в ночь с 1-го на 2-е апреля противник предпринял откровенно атакующие действия, используя, наряду с другими видами вооружений, артиллерию, бронетехнику и воздушные силы. Кроме боев, идущих на передовой, артиллерия противника нанесла удары по мирным населенным пунктам.

По оперативным данным АО НКР, в районе 08:30 в направлении оборонительных позиций Мартуни вследствие обстрела из установки «Град был убит Вагинак Татулович Григорян (2004 г/р), ранены двое детей.

В целом, в ночь на 2 апреля и в течение всего дня в ходе боевых действий азербайджанская армия потеряла более 200 военнослужащих. Благодаря своевременным и профессиональным действиям Армии обороны Нагорного Карабаха удалось не только взять ситуацию под свой контроль, но и нанести противнику ощутимые потери. У армянской стороны 18 жертв и около 35 раненых.

В южном направлении передовой линии 3 апреля с 06:00 часов противник продолжал агрессивные действия с применением ракетно-артиллерийских орудий и бронетехники в южном направлении.

В ходе боевых действий с карабахской стороны ранены двое военнослужащих. Действия карабахцев успешно развиваются и на южном отрезке фронта. Здесь, отбивая атаки противника, применяющего ракетно- артиллерийское вооружение и бронетехнику, на южном крыле бойцы подразделений АО вывели из строя 2 танка и 1 БМП (боевая машина пехоты) врага.

А321 օդանավում պայթյուն է տեղի ունեցել. առաջին տվյալները «սև արկղերից»

HEIGMM — Sat, 07 Nov 2015 07:05:18 GMT

Եգիպտոսում կործանված ռուսաստանյան «Կոգալիմավիա» ընկերության А321 օդանավում պայթյուն է տեղի ունեցել:

France 2 հեռուստաալիքին այս տեղեկությունը հայտնի է դարձել օդանավի «սև արկղերի» ձայնագրությունների հետաքննությանը մոտ կանգնած աղբյուրից: Ըստ այդմ` ֆիքսված պայթյունը տեխնիկական բնույթի չէ` կապված չէ շարժիչի խափանման հետ:

Լրատվամիջոցի տվյալներով` «սև արկղի» ֆիքսած ինֆորմացիայի վերծանումից հայտնի է դարձել նաև, որ պայթյունը եղել է անսպասելի և ուժեղ:

Հոկտեմբերի 31-ին Եգիպտոսի Սինայ թերակղզում կործանվել էր А321 օդանավը, ինչի հետևանքով 224 մարդ էր զոհվել, հիմնականում` Ռուսաստանի քաղաքացիներ: Աղետի վերջնականապես հաստատված պատճառները անհայտ էին համարվում, չնայած Սպիտակ տունը, բրիտանական հետախուզությունը հայտարարել էին,որ իրենց տվյալներով տեղի է ունեցել պայթյուն:

Արցախում հակառակորդի հրետակոծությունից չորս զինվոր է մահացել

HEIGMM — Sat, 26 Sep 2015 05:17:09 GMT

Սեպտեմբերի 25-ին` ժամը 17:30-ի սահմաններում, ադրբեջանական զինուժի կողմից թուրքական արտադրության TR-107 կայանքներից հրթիռահրետանային արկակոծման է ենթարկվել ՊԲ-ի հյուսիս-արեւելյան ուղղությամբ տեղակայված զորամասերից մեկի պահպանության տեղամասը, որի արդյունքում բեկորային մահացու վիրավորում են ստացել ՊԲ զինծառայողներ Նորայր Միքայելի Խաչատրյանը (ծնված 1995թ.), Ռոբերտ Սուրենի Մկրտչյանը (ծնված 1995թ.), Հարութ Մաքսիմի Հակոբյանը (ծնված 1997թ.) եւ Կարեն Գեւորգի Շահինյանը (ծնված 1997թ.):

ԼՂՀ ՊՆ մամուլի ծառայության փոխանցմամբ՝ կան վիրավորներ: Դեպքի մանրամասները պարզելու համար կատարվում է քննություն:

ԼՂՀ պաշտպանության նախարարությունը կիսում է կորստյան ծանր վիշտը եւ իր զորակցությունը հայտնում մահացած զինծառայողների ընտանիքների անդամներին, հարազատներին եւ ծառայակիցներին:

Այսուհետ ավտոմեքենաների ազատ համարանիշներին և գներին կարելի է ծանոթանալ առցանց

HEIGMM — Sun, 13 Sep 2015 08:34:23 GMT

Ոստիկանության police.am կայքում սեպտեմբերի 11-ից գործում է նոր բաժին` «Ազատ համարանիշների որոնում»:

ՀՀ ոստիկանության հասարակայնության հետ կապերի և լրատվության վարչությունից հայտնում են, որ բաժնում առցանց հարցման եղանակով հնարավոր է ստուգել ավտոմեքենայի` քաղաքացու նախընտրած համարանիշի առկայությունը և ծանոթանալ գներին:

Անհրաժեշտ է ընտրել «Ֆիզիկական անձ» կամ «Իրավաբանական անձ» բաժինը, այնուհետև մուտքագրել թվերն ու տառերը համապատասխան դաշտերում և սեղմել «Ստուգել առկայություն»։

Արցախից Տավուշի սահմանագոտի է մեկնել հարյուր ազատամարտիկ՝ վարչապետ Արայիկ Հարությունյանի հետ (լուսանկարներ)

HEIGMM — Sat, 05 Sep 2015 06:53:14 GMT

Այսօր վաղ առավոտյան, Արցախի ազատամարտիկների միության (ԱԱՄ) նախաձեռնությամբ Ստեփանակերտից Հայաստանի Հանրապետության հյուսիս-արևելյան՝ Տավուշի սահմանագոտի է մեկնել հարյուր ազատամարտիկ՝ ԼՂՀ վարչապետ Արայիկ Հարությունյանի և միության նախագահ Սամվել Կարապետյանի գլխավորությամբ:

artsakhpress.am

Ադրբեջանում ուժգին երկրաշարժ է գրանցվել. Ցնցումները զգացվել են նաև Արցախում

HEIGMM — Fri, 04 Sep 2015 13:19:58 GMT

Այսօր` տեղի ժամանակով 8:49-ին, Ադրբեջանում ուժգին երկրաշարժ է գրանցվել:Ինչպես տեղեկացրին ՀՀ սեյսմիկ պաշտպանության արևելյան ծառայությունից, երկրաշարժի էպիկենտրոնը եղել է Ադրբեջանի Գաբալա քաղաքը, որտեղ Ռիխտերի սանդղակով գրացվել է 7-8 բալ ուժգնությամբ երկրաշարժ: Ենթադրվում է, որ ավերածություներ կլինեն: Արցախում ևս զգացվել են ցնցումները՝ 4 բալ ուժգնությամբ:

Արցախի պետական համալսարանում կառուցվածքային փոփոխություններ են կատարվել

HEIGMM — Thu, 27 Aug 2015 12:22:34 GMT

Արցախի պետական համալսարանի գիտական խորհրդի հերթական նիստի որոշման համաձայն կատարվել են կառուցվածքային փոփոխություններ:

ԱրՊՀ պաշտոնական կայքէջի փոխանցմամբ, բուհի «Հայոց լեզվի ու գրականության և օտար լեզուների» ֆակուլտետը վերանվանել է «Բանասիրական» ֆակուլտետ:

«Ֆիզիկամաթեմատիկական», «Քիմիա և կենսաբանության» ֆակուլտետները և «Ճարտարագիտական» ֆակուլտետի «Հեռահաղորդակցություն», «Կառավարման տեղեկատվական համակարգեր» բաժինները միացման եղանակով վերակազմակերպվել են «Բնագիտական»,

«Մանկավարժության» ու «ՆԶՊ և ֆիզդաստիարակության» ֆակուլտետները վերակազմակերպվել են «Մանկավարժության և սպորտի» ֆակուլտետի:

«Պատմության և քաղաքագիտության» ֆակուլտետը և «Տնտեսաիրավաբանական» ֆակուլտետի իրավաբանական բաժինը միացմամբ վերակազմակերպվել է «Պատմության և իրավագիտության» ֆակուլտետը:

«Տնտեսաիրավաբանական» ֆակուլտետի տնտեսագիտության բաժինը և «Ճարտարագիտական» ֆակուլտետի հիմնական մասը վերակազմակերպվել է «Տնտեսագիտության և ճարտարագիտության» ֆակուլտետի,

«Ճարտարագիտության» և «Քաղաքաշինության» ամբիոնները միացման եղանակով վերակազմակերպել են «Քաղաքաշինության» ամբիոնի: