19:20 Թուրքիայում հայկական Սուրբ Խաչ եկեղեցին չի տուժել երկրաշարժից | |
Նախնական տվյալներով, Թուրքիայում երկրաշարժից տուժածների մեջ հայեր չկան: Այդ մասին NEWS.am-ի թղթակցի հետ զրույցում հայտնել են Ստամբուլի «Ակոս» թերթի խմբակցությունից: «Վանի մեր հայրենակիցներից, ինչպես նաեւ թուրք եւ քուրդ բարեկամներից ստացած տվյալներով, վիրավորների եւ զոհերի մեջ հայեր չեն եղել»,- նշել են նրանք: Աղթամար կղզում գտնվող Սուրբ Խաչ եկեղեցին եւս չի տուժել, քանի որ գտնվել է երկրաշարժի էպիկենտրոնից համեմատաբար հեռու: Ավելի վաղ NEWS.am-ը հաղորդել էր, որ երկրաշարժի զոհերի թիվը Թուրքիայում գերազանցել է 200-ը: Այդ մասին հայտնել է Թուրքիայի ներքին գործերի նախարար Ինդրիս Նաիմ Սահինին: 117 զոհերի մասին տեղեկությունը ստացվել է էպիկենտրոնում գտնվող Էրջիշ քաղաքից, եւս 100 մարդ զոհվել է Վանում: Վնասվածք է ստացել 1090 մարդ: Իշխանությունները սպասում են, որ զոհերի թիվը կաճի: Թուրքիայի արեւելքում հոկտեմբերի 23-ին, Երեւանի ժամանակով 15:40-ին տեղի ունեցած երկրաշարժի ուժգնությունը կազմել է 7,2 մագնիտուդ: Էպիկենտրոնը եղել է Վանից 38 կմ հյուսիս-արեւելք: Ցնցումներ զգացվել են նաեւ Հայաստանում, Վրաստանում եւ Իրանում: Հայաստանում ցնցումների ուժգնությունը եղել է 3-ից 5 բալ: | |
|
Всего комментариев: 0 | |