18:22 Թուրքիա մարդասիրական օգնություն տեղափոխող հայկական օդանավի չվերթը կկայանա վաղը` հոկտեմբերի 28-ին | |
Երկրաշարժից տուժած Թուրքիային Հայաստանի կառավարության աջակցությունն Իզմիր քաղաք տեղափոխող օդանավի թռիչքը կկայանա վաղը` հոկտեմբերի 28-ին, կեսօրին մոտ։ Այդ մասին NEWS.am-ին հայտնեցին Հայաստանի արտակարգ իրավիճակների նախարարությունից: Ինչպես ավելի վաղ հայտնել էրNEWS.am-ը, Հայաստանն այսօր` հոկտեմբերի 27-ին Հայաստանը թուրքական Կարմիր մահիկի եւ Եվրաատլանտյան աղետների արձագանքման համակարգման կենտրոնի միջոցով ստացել է Թուրքիայի կառավարության օգնության պաշտոնական հայտը։ Իլ-76 ինքնաթիռով Թուրքիայի Իզմիր քաղաք կտեղափոխեն 40 տոննա բեռ` վրաններ, քնապարկեր, ծածկոցներ, անկողնային պարագաներ։ ԱԻՆ մամուլի ծառայությունից առայժմ չհաստատեցին տեղեկությունները, որ փրկարարներ էլ են մեկնելու` նշելով, որ միջազգային խողովակներով ստացված հայտում նշվել էր, թե Թուրքիան վրանների, քնապարկերի եւ նման պարագաների կարիք ունի, իսկ փրկարարների հայտ չի ներկայացվել: Նման դեպքերում, փրկարարներ ուղարկվում են այն դեպքում, երբ հայտ է ներկայացվում: | |
|
Всего комментариев: 0 | |