Հայտնի ռեփ երաժիշտ, պրոդյուսեր Քանյե Վեսթը կեսգիշերային անակնկալ և անվճար համերգ տվեց Երևանում` Կարապի լճի մոտ:

Ընդամենը մի քանի րոպե տևած համերգի ընթացքում «Գրեմի» մրցանակի բազմակի դափնեկիրը կատարեց իր “Stronger”, “Jesus Walks”, “Power”, “Touch the Sky”, “All of the Lights” երգերից հատվածներ և համերգը եզրափակեց “Good Life” երգով, որի ավարտին  նետվեց Կարապի լիճը:

Երգչի օրինակին հետևեցին մի շարք երկրպագուներ: Նրանց հետևից ջուրը մտած ոստիկանները շուտով վերականգնեցին հասարակական կարգը` մարդկանց ստիպելով դուրս գալ Կարապի լճից: