karabakh-life-ին հայտնի է դարձել հավաստի աղբյուրներից, որ այսօր առավոտյան, Արցախի պաշտպանության արևելյան ուղղությունում թշնամին կրկին անգամ խախտել է հրադադարի ռեժիմը:

Արցախի ՊԲ ստիպված է եղել պատժիչ գործողություն իրականացնել, որի արդյունքում ոչնչացրել է թշնամու ԶՈՒ պատկանող Նիվա մակնիշի երկու մեքենա:

Թշնամու զոհերի մասին ստույգ տեղեկություններ չկան: Առնվազն երկու ասկյար հանվել է շարքից` եթե ընդունենք , որ միայն մեքենաներում եղել են միայն վարորդներ:

Այսօր ժամը 12:00 -ի սահմաններում հակառակորդը Տավուշի մարզի Բերդի տարածաշրջանի մարտական դիրքերից մի քանիսի նկատմամբ կրկին դիվերսիոն հարձակողական գործողություն է ձեռնարկել: Այդ մասին Facebook-ի իր էջում գրել է Հայաստանի պաշտպանության նախարարի մամուլի քարտուղար Արծրուն Հովհաննիսյանը:

Նրա խոսքով, միջդիրքային տարածքում հայկական դիրքապահների կողմից խումբը նկատվել է եւ մարտ է սկսվել, որի ընթացքում ադրբեջանական ստորաբաժանումը գրեթե ոչնչացվել է:

Հայկական ստորաբաժանումները կորուստներ չեն կրել: Այս պահին իրավիճակը կայուն է, ՀՀ ԶՈւ ստորաբաժանումները լիովին վերհասկում են մարտական իրավիճակը: